السلام عليكم
كما عودناكم دائمًا بالجديد والجديد مع المنتدى الرسمي لنادي النصر الرياضي
في لقاء مع لاعب الفريق الأول لكرة القدم (محمد راشد) ليجيب على أسئلة الأعضاء:
نبدي بالأسئله :
ملفك الشخصي :
الاسم:محمد راشد حجاب العتيبي
العمر:26 سنه العمر كله يامحمد
الوظيفة:موظف في وزارة المواصلات
الهوايات:بلياردو وكرة طاوله
اللون المفضل:الأسود
-------------------------------------------
نبدي بالأسئله :
نادي النصر يعيش في طفره والكل يشهد, وفيحان وممدوح والعدواني اقرب اللاعبين لي
اسئلة المدير العام بدر الشلاحي
1- مارأيك بكرة القدم النصراوية ؟
بسم الله الرحمن الرحيم ونبدأ الأجوبه بأذن الله وانشاء الله تكون الردود بكل شفافيه .. وطبعًا الكل يشعد الطفره الحاصله بنادي النصر هذا الموسم واعتقد عمل الجهاز الاداري بالنادي ورغم جميع الظروف المناسبه للفريق من جميع النواحي حتى على مستوى فريق 19
2-مارأيك بـ مبارك العنزي وغازي القهيدي ؟
غازي من افضل لاعبين الفريق الأول هذا الموسم واتمنى له الاستمرار والتطول للأفضل
3- من صديق محمد راشد خارج وداخل الملعب (جميع الانديه) ؟
والله في اكثر من لاعب علاقتي فيهم اكثر من ممتازه مثل صالح الشيخ ومشعل فيحان ونايف العتيبي الشباب وعبدالله ممدوح وخلف السلامه ونواف المطيري وماابي انسى أحد لان فيه كثير علاقتي فيهم ممتازه
4- من اقرب لعب لك بنادي النصر ؟
مشعل فحيان وعبدالله ممدوح وابراهيم العدواني
السلامه والدخيل قدوتي, انتهاء فترة الاعاره رجوعي للملكي
اسئلة العضو MARADONA
1- ليش تركت نادي القادسية؟
الحين احنا بزمن الاحتراف وشفت فرصتين قلة مع نادي القادسيه فطبيعي اشوف فرصه افضل مع احد الانديه وانا ماتركت القادسيه وانا خرجت اعاره
2- هل تحس انك مرتاح مع النصر و أداءك يعبر عن مستواك؟
والله الحمدالله مرتاح نفسيًا وبدنيًا ادائي حتى الحين ماأقنعني قبل مااقنع الناس وانشاء الله تشوفون الأفضل
3- اللاعب اللي دايما يقتدي فيه محمد راشد العتيبي ؟
اللاعب خلف السلامه من الجيل الحالي وفيصل الدخيل سابقًا
4- هل عندك نيه ترجع للملكي مره ثانيه؟
اذا انتهت فترة اعارتي طبيعي ارجع النادي
فيحان وخالد ماخذوا حقهم, وغياب مشاري يؤثر على الفريق
اسئلة العضو نصراوي طموح
1- هل انت مرتاح في نادي النصر ..؟
الحمدالله احس اني في بيتنا
2- لو عرض عليك العوده لنادي القادسيه وفي نفس الوقت طلب منك ادارة النصر التجديد ايهما ستختار ؟
نصبر ونشوف انشاء الله
3- هل تعتقد بان اللاعب مشعل فيحان وخالد ناصر اخذا حقهم في المشاركات .؟
اشوف انهم اماخذوا الفرصه المناسبه مع انهم يمتلكون امكانات كبيره
4- هل يؤثر غياب القائد مشاري فيحان عن خط الدفاع.؟
اكيد مشاري لاعب خبره وقيادي
الحظ لو يساند الفريق سيحقق احد البطولات, عبدالرحمن العنزي لاعب ممتاز وموهبه
اسئلة اللاعب زيدان النصر
1- هل تعتقد ان النصر قادر على تحقيق بطوله هذا الموسم ؟
بصراحه اعتقد ان الحظ لو يساند النصر هذا الموسم راح يحقق
2- من اقرب ثلاث لاعبين لك بنادي النصر ؟
مكرر
3- من الاعب اللي ترتاح اذا لعب بجانبك؟
جميع لاعبين النصر والقادسيه
4- شنو تتوقع للاعب عبدالرحمن العنزي بالمستقبل (بكل صراحه)
لاعب ممتاز وموهبه اتوقع اذا اهتم بنفسه وطور من اداءه والتزم بالتمارين راح يكون له شأن كبير
اول نادي لعبت له هو القادسيه, افضل مباراة بالنسبه لي هي القادسيه والقوه الجويه
اسئلة اللاعب فديت النصر
اول شئ انا داش مخصوص الليله لك يا بو راشد وانت لاعب خلوق وانسان ناجح انشاءالله واتمنالك كل خير وسعاده وديربالك من (أبراهيم العدواني و جابر عطا )
ماتقصر وانت بعد خلوق وشهادتي فيك مجروحه .. ليش ابراهيم وجابر على النيه وشقرديه
1- ماهو اول نادي لعبت فيه ؟ وفي اي سنه ؟ ولماذا اخترت هذا النادي ؟
القادسيه , 1994, هم اختاروني
2- افضل مباراه بنسبه لك ؟
البطوله الأسيويه ... القادسيه والقوه الجويه
3- ماهي اجمل بطوله على قلبك شاركت فيها وانت في القادسيه ؟
البطوله الأسيويه خسرانه من الكرامه في قبل النهائي
لم اخطأ في اختياري للنصر, نيبوشا له الفضل ببروزي على الساحه
اسئلة اللاعب 10(c)
1- محمد راشد هل اخطأ باختياره النصر ؟
بالعكس نادي النصر نادي طموح
2- محمد راشد الفضل لمن في بروزه على الساحة ؟
المدرب الصربي نيبوشا مدرب نادي السليه القطري حاليًا
3- هبوط مستواك بشدة شنو سببه ؟
اصابات والمرض وبعض الظروف الخاصه بس انشاءالله نعود بسمتوى افضل
4- ليش ما كنت تعزمني على جبن اقلاص بالمعسكر مع اني جارك و الطوفة بالطوفة ؟
الغرفه غرفتك يابومجلاد وكان صاحب الغرفه والغرفه تحت امرك
لم اختار القادسيه وهم الذين اختاروني, النصر هذا الموسم بين الاربعه الكبار
اسئلة العضو الماستر
1- بحكم بعد سكنك لماذا اخترت نادي القادسية من الصغر ؟
والله انا ما اخترت هم اختاروني من مدرستي
2- برزت مع الجهراء بشكل ملحوظ والعكس مع النصر ؟
انشاءالله تشوفون مستو افضل بقية الموسم
3- ماهو انطباعك من قبل وبعد انضمامك الى نادي النصر ؟
كان الخوف قبل الأنظمام الحمدالله احس اني وفقت باختيار نادي النصر لما يظمه من لاعبين وجهاز اداري وفني
4- ترتيب النصر بين الاندية الكويتية ؟
في هذا الموسم بعتبر النصر من بين الانديه الاربعه الكبار لما يقدم من كرة جميله ومايمتللك من لاعبين
غير راضي عن مستواي, بومشعل ماقصر وكفه ووفه ومايشوف شر
اسئلة المدير العام بوفواز
1- محمد راشد هل انت راضي عن مستواك ؟
غير راضي حتى الأن وانشاءالله نقدم الأفضل
2- هل توجد نية للتجديد مع النصر لموسم آخر ؟
نتركها للظروف انشاءالله
3- مارأيك بمستوى محترفين النصر لهذا الموسم ؟
فوق الممتاز
4- ماهي الكلمة التي توجهها للكابتن القدير على الشمري ؟
ماقصرت يابومشعل وكفيت ووفيت وماتشوف شر
لاعبين القادسيه يمتلكون معزه في قلبي, تجربتين الجهراء والنصر ناجحتين
اسئلة العضو wHo
1- من اقرب لاعبين لك في القادسيه ؟
والله جميع لاعبين نادي القادسيه يمتلكون معزه في قلبي وقراب بحكم العشره
2- في سنه لعبت معا المنتخب ؟
لعبت مع المنتخب في موسم 2001 و2002 و2003 وبعدين اصبت ورجعت 2005 و2006 بعدها الظروف ماسمحت اني اكون مع المنتخب
3 - من الافضل احترافك في الجهراء او النصر ؟
والله الحمدالله التجربتين ناجحتين
المدرب الأجنبي افضل من الوطني, اصابة ممدوح اثرت على الفريق
اسئلة اللاعب كانافارو5
1-من افضل برايك المدرب الاجنبي او الوطني ؟ ولماذا !
المدرب الأجنبي بس يكون كبير وعلى قدر من الخبره
2-هل انت راضي عن مستواك الان ؟
غير راضي
3- هل اصابة الاعب عبدالله ممدوح اثرات على الفريق ؟
بالطبع عبدالله من اهم اللاعبين الممتازين بنادي النصر
4- تحياتي للاعب محمد راشد ؟
مشكور ياقلبي
استمرار العدواني في تدريب العنابي افضل من مدرب عالمي, النصر انظلم باختيار لاعبين المنتخب
اسئلة اللاعب ابونايف10
1- ماذا تتوقع للفريق بالقسم الثاني والثالث ؟
انشاءالله يستمر مستوى الفريق بالتصاعد
2- شنو ايجابيات الفريق وسلبياته ؟
وجود مجموعه كبيره ممتازه اهم الأيجابيات والله ابرز سلبيات الفريق نقص الخبره التي راح تعالج بالمباريات
3- هل تريد مدرب عالمي للفريق ام تأيد استمرار مسير العدواني ابو سعود ؟
والله الفتره هذي صعبه تجيب مدرب لأن ماراح يكون عارف الفريق فاستمرار ابوسعود افضل
4- هل راضي عن العدد الذي تم اختيارهم للمنتخب من العنابي ؟ ومارأيك باللاعب طلال نايف؟
والله انظلم نادي النصر بأختيار اللاعبين للمنتخب ,,, وطلال لاعب كبير ومن افضل اللاعبين على مستوى الكويت
استمتع بلعب جيري, ومحترفين النصر على مستوى ممتاز
اسئلة المشرف نصراوي للأبد
1- من هو قدوة محمد راشد في الملاعب ؟
فيصل الدخيل
2- نفرض معك 3 باقات ورد لمن ولمن ولمن ؟ (بكل صراحه)
للوالده وللاعبين النصر ولاعبين القادسيه
3- من افضل جيري ام مارشيلو ام كاريكا ؟ ولماذا ؟ (بكل صراحه)
والله جميعهم على مستوى ممتاز ويملك امكانات غير الثاني وعنده الشي الي يميزه لكني استمتع بلعب جيري
4- رأيك بمحترفين نادي النصر هذا الموسم ؟ (بكل صراحه)
على مستوى ممتاز
هبوط مستواي بسبب الأصابات والظروف الخاصه
اسئلة اللاعب كاسياس
1- سبب هبوط مستواك هذا الموسم مقارنتا بالموسم الماضي ؟
الأصابات والظروف الخاصه بس انشاء الله نعوض
استطيع اللعب للوسط المتقدم, وبدايةالمشوار اخذت الفرصه
اسئلة المشرف العام النصر غير
1- هل تستطيع اللعب للوسط المتقدم ؟
لعبت فتره طويله بالقادسيه بالوسط المتقدم
2- هل اخذت فرصتك بشكل كبير مع القادسيه ؟
في بداية مشواري لكن بعد الاصابه لا
الأداره مو مقصره مع الفريق, واتمنى الاحتراف الخارجي
اسئلة المدير العام سعد المجاوب
1- مارأيك في منتدى الكره النصراويه ؟
متطور
2- شرايك بالتنسيق والاداره ؟
والله الأداره مو مقصره مع الفريق من اعداد ومكافأة ومعسكرات هذا كله يحسب لصالحها
3- هل ترغب للاحتراف ؟
اكيد كل لاعب يتمنى يتمنى الاحتراف ويكون طموحه وانا حاليًا جرية الاحتراف المحلي واتمنى الخارجي
الجمهور القدساوي هو من صنع محمد راشد, اعتزال نهير خساره للكره الكويتيه
اسئلة المشرفه Qadsawia_malakia
1- شنو يعنيلك نادي القادسيه وجمهور القادسيه ؟
نادي القادسيه بيتي الثاني وتربيت فيه من سنة 1994 والجمهور القدساوي هو الي صنع محمد راشد ومن غيره نكون ولاشي
2- هل انظلم محمد راشد مع القادسيه ؟
مكرر
3- رايك بأعتزال ملك الدفاع نهير الشمري ؟
خساره للكرة الكويتيه في المحافل لما يملكه نهير من خبره
4- النادي اللي تشجعه بالدوري الانجليزي ؟
نادي ارسنال
وكلمـــــــــــــــــــــــه اخيره حق أعضـاء المنتـدى الرســمــي لــنادي النصـــر الرياضـــي ؟
يعطيكم العافيه على مجهودكم الطيب والرقي في الأسئله والحوار وانشاء الله تستمرون دعم لنادي النصر وذخر له وشكرًا
ونشكر اللاعب محمد راشد على تلبيته للقاء معه
وهذه هديه من محمد راشد لجمهور النصر
وشكرًا لمن ساهم في اتمم هذا اللقاء
اتمنى انه عجبكم
تقبلو تحياتي
.:: أهـم الـمـواضـيـع ::. 
الإهداءات
02-26-2009, 12:56 AM
اللاعب/ محمد راشد يجيب على أسئلتكم 
العرض العادي
